مۇرەككەپ قىسمەن تۇتقاق قوزغىلىش

بۇ تۈردىكى تۇتقاق قوزغىلىشلاردا بولسا، مېڭىنىڭ بىر قىسىمدىن چىققان بىنورمال ئېلېكترىك ئېقىملار مېڭىنىڭ باشقا قىسىملىرىغىمۇ ئاز تولا تەسىر كۆرسەتكەچكە، بىماردا قىسمەن ئەس ھوشىنى يوقىتىپ قويۇش ئەھۋالى كۆرۈلىدۇ. بۇنىڭ بىلەن بىرگە بەدەندىمۇ ئوخشىمىغان دەرىجىدە تۇتقاق تۇتۇش ئەھۋاللىرى كۆرۈلىدۇ

ئومۇميۈزلۈك تۇتقاق قوزغىلىش بولسا، مۇرەككەپ قىسمەن تۇتقاق قوزغىلىشقا قارىغاندا تېخىمۇ ئېغىر بولىدۇ. ئومۇميۈزلۈك تۇتقاق قوزغىلىش مېڭىدىكى كېسەللىك قىسىمدىن چىققان ئېلېكتىر ئېقىمى پۈتۈن مېڭە نېرۋىلىرىدا قالايمىقان ئېقىپ ھەرىكەت قىلىپ، بىمار ھەم ئەس ھوشىنى پۈتۈنلەي يوقىتىدۇ. ھەم بەدەندە يېنىكتىن ئېغىرغىچە بولغان ئوخشىمىغان دەرىجىدە ئالامەتلەر كۆرۈلىدۇ.

تۇتقاقلىق بۇ كېسەللىكنىڭ ئومۇمىي ئىسمى بولۇپ، تارتىشىپ قېلىش بولسا بۇ كېسەللىك قوزغالغاندا بىمار بەدىنىدىكى بىنورمال بەدەن ھەرىكىتىنى كۆزدە تۇتىدۇ. بۇ بىر خىل سوزۇلما خاراكتېرلىك (ئۇزۇن مۇددەتلىك) كېسەللىك بولۇپ ، نورمال ئېلېكتىر پائالىيەتلىرى ئېلىپ بېرىۋاتقان مېڭە نېرۋا ھۈجەيرىلىرىنىڭ بەزى بىنورمال دەرىجىدىكى ماددىلارنىڭ تەسىرىگە ئۇچراپ، بىنورمال ئېلېكتىر پائالىيەتلىرى كېلىپ چىقىشى ۋە نەتىجىدە تۇتقاق تۇتۇش پەيدا بولىدۇ.

سالام تورداشلار، بۇ يازمىنى توردىشىمىز ummet نىڭ تەكلىپىگە ئاساسەن ئەسلى ئنكاس شەكلىدە يوللىماقچى ئىدىم، لىكىن ھەجىمى ۋە مەزمۇنى كۆپ بولغاچقا، شۇڭا بىر تىما شەكلىدە يوللىدىم....